Ehersisyo para Pamahalaan ang Iyong Asukal sa Dugo

Gaano karaming gawain ang kailangan mo?

Kung bago para sa iyo ang arawang gawain, magsimula nang mabagal at tuloy-tuloy. Magsimula sa 10 minuto ng gawain bawat araw. Pagkatapos, gawin ang hindi bababa sa 150 minuto bawat linggo ng pisikal na gawain. Huwag hayaang lumipas ang mahigit sa 2 araw nang hindi nagiging aktibo. Kapag nakaupo sa loob ng mahabang oras, tumayo para sa maiikling sesyon ng magaang aktibidad bawat 30 minuto.

Gumalaw lamang!

Hindi mo kailangang sumali sa isang gym o magmay-ari ng mamahaling kagamitang pang-sports. Lumabas lang at maglakad. Ang paglalakad ang ehersisyong pinagtatrabahong mabuti ang iyong puso at mga baga. Tumutulong ito sa iyong puso at mga daluyan ng dugo. Para maglakad, kailangan mo lang ang magandang pares ng mga sneaker at sarili mong dalawang paa. Kung mas marami ang iyong paglakad, mas nagiging madali ito.

• Mag-iskedyul ng oras araw-araw para igalaw ang iyong mga paa.

• Gawin itong bahagi ng iyong pang araw-araw na gawain.

• Lumakad kasama ang isang kaibigan o isang grupo para panatilihin itong kawili-wili at masaya.

• Subukang gumawa ng ilang maikling paglakad sa araw para matugunan ang iyong pang-araw-araw na layunin na aktibidad.

  

Binibilang ng pedometer ang bawat hakbang 

Ang pedometer ay isang maliit na device na sinusubaybayan kung gaano karaming hakbang ang iyong nagawa. Maaari mo itong i-clip sa iyong sinturon o strap sa iyong braso o binti at gawin ang iyong pang-araw-araw na gawain. May mga app din ang mga smartphone para irekord ang iyong paglakad. Sa pagtatapos ng araw, ipinakikita ng pedometer ang kabuuang bilang ng mga hakbang na nagawa mo. Gumamit ng pedometer para itakda ang iyong pansariling pang-araw-araw na mithiin. Halimbawa, kung lumakad ka ng 4,000 hakbang, subukang dagdagan ng 200 pang hakbang bawat araw. Pagsikapan ang target na 7,500. Sa bawat hakbang, gumagawa ka ng kaunti pa para tulungan ang iyong katawan na gamitin ang insulin.

Magdagdag ng pagsasanay ng lakas

Ginagawa ng pagsasanay ng lakas na mas malakas ang mga kalamnan. Tumutulong din ito sa mga kalamnan na gamitin nang mas mahusay ang insulin. Tanungin ang iyong tagapangalaga ng kalusugan kung ang uring ito ng ehersisyo ay tama para sa iyo. Kung tama ito, makatutulong ang iyong tagapangalaga ng kalusugan na paganahin ito sa iyong plano ng gawain.

Pananatiling ligtas

Maaaring magdulot ang pagiging aktibo na bumaba nang mabilis kaysa karaniwan ang iyong asukal sa dugo. Maaari itong mangyari lalo na kung umiinom ka ng gamot para pamahalaan ang iyong asukal sa dugo. Ngunit may mga bagay na maaari mong magawa upang tumulong na mabawasan ang panganib para sa mababang asukal sa dugo. Tandaan ang mga tip na ito:

• Palaging dalhin ang ID kapag nag-eehersisyo ka sa labas ng bahay mo. Magdala ng cellphone kung sakaling may emergency.

• Kapag sinimulan mo ang isang programa ng ehersisyo, tingnan ang iyong glucose sa dugo bago, habang, at pagkatapos ng ehersisyo. Sinasabi nito sa iyo kung paano nakaaapekto sa iyo ang iba't ibang uri ng gawain.

• Kung kaya mo, isama ang mga kaibigan at kapamilya sa iyong mga gawain.

• Magsuot ng medikal na ID na pulseras na nagsasabing may diabetes ka.

• Gamitin ang tamang gamit pangkaligtasan para sa aktibidad na ginagawa mo. Halimbawa, magsuot ng helmet na pangbisikleta kapag sumakay ka sa bisikleta. Magsuot ng sapatos na sarado sa gawing daliri na akma sa iyong mga paa at mga medyas na walang tahi.

• Uminom ng maraming tubig bago at sa panahon ng gawain.

• Magdala ng asukal na mabilis ang bisa gaya ng mga tabletang glucose kung sakaling bumaba ang asukal sa dugo.

• Gumawa muna ng pagsasanay ng lakas kung gumagawa ka ng parehong pagsasanay ng lakas at aerobic na ehersisyo. Hindi ito gaanong malamang na magdulot ng mababang asukal sa dugo.

• Magsuot ng tamang damit para sa panahon. Magsuot ng sombrero kung maaraw, o maghintay hanggang gabi kung napakainit.

• Subukang huwag maging aktibo nang matagal sa napakainit o napakalamig na panahon.

• Laktawan ang mga gawain kung maysakit ka.

• Tingnan ang iyong mga paa para sa mga sugat o paltos pagkatapos mong mag-ehersisyo. Gumamit ng salamin para tingnan ang mga ilalim ng iyong mga paa.

• Huwag gumawa ng mahihirap na ehersisyo na sangkot ang pagpigil sa iyong paghinga o umaalog na mga pagkilos kung mayroon kang pinsala sa retinopathy sa iyong mga mata.

Pansinin kung paano nakaaapekto ang gawain sa asukal sa dugo 

Mahalaga ang pisikal na gawain kapag mayroon kang diabetes. Ngunit kailangan mong bantayan ang iyong lebel ng asukal sa dugo. Madalas na tingnan kung naging aktibo ka nang matagal kaysa karaniwan. Tingnan din ang iyong asukal sa dugo kung hindi nakaplano ang gawain. Ugaliing suriin ang iyong asukal sa dugo bago maging aktibo. At tingnan muli pagkatapos ng ilang oras. Isulat kung paano nakaaapekto ang gawain sa iyong mga numero. Kung gumagamit ka ng insulin, maaari mong i-adjust ang iyong dosis bago ang isang nakaplanong gawain. Makakatulong ito na mapigilan ang mga pagbaba. Maaari mo ring kailanganing kumain ng kaunting meryendang may carbohydrate bago ang pag-eehersisyo. Makipag-usap sa iyong tagapangalaga ng kalusugan upang malaman ang higit pa.